Ukraynada davam edən müharibəyə görə tənqid hədəfi olan Putin sui-qəsd ehtimalı və digər ölkələrin təzyiqindən xilas olmaq üçün bir çox dövlət başçısının qatılacağı sammitə getməkdən imtina edib.

Tacxeber.com xəbər verir ki, bu fikirləri rusiyalı politoloq, Siyasi Araşdırmalar Mərkəzinin direktoru Sergey Markov deyib.

S. Markov iddia edib ki, Böyük Britaniya, ABŞ və ya Ukrayna xüsusi xidmət orqanları Putinə qarşı sui-qəsd cəhd edə bilər:

“Bundan başqa, Rusiya prezidenti kameralar qarşısında hər hansı bir aktivistin hücumuna məruz qalıb yerə yıxılmaqdan da qorxur. Bəzi Qərb dairələrin belə bir plan hazırladıqlarına da əminəm”.

Qeyd edək ki, Vladimir Putin noyabrın 15-16-da İndoneziyanın Bali adasında keçiriləcək G20 sammitində iştirak etməyəcək.

Tacxeber.com