Rusiyada afrikalı tələbələri “Vaqner” dəstəsinə cəlb edirlər – İDDİA

Tacxeber.com xəbər verir ki, bu barədə “The Daily Beast” nəşri məlumat yayıb.

Jurnalistlər Rostov-na-Donudakı Cənub Federal Universitetinin afrikalı tələbələri ilə söhbət ediblər. Onlar deyirlər ki, təhsil müəssisəsinin nümayəndələri tələbələri 3-5 min dollara “Vaqner” ÖHŞ-yə və ya Rusiya ordusuna qoşulub Ukraynaya döyüşməyə getməyə razı salmağa çalışıblar.

“Yataqxanamızda bizi qarşılayan üç məmur bizi Rusiya üçün döyüşməyə razı salmağa çalışdılar. Onlar dedilər ki, biz Ukraynada qısa müddət döyüşə, bu qədər pul qazana, sonra Rusiyaya qayıdaraq təhsilimizi davam etdirə bilərik. Bəzi afrikalıların artıq Ukraynada döyüşdükləri və yaxşı pul qazandıqlarını dəfələrlə xatırladıblar”, – tələbələr bildiriblər.

İmtina edildiyi təqdirdə tələbələr təhsil haqlarının artırılması və ya təqaüdlərin itirilməsi ilə hədələnirlər. Bundan əlavə, Federal Təhlükəsizlik Xidmətinin (FTX) əməkdaşları da onları orduya cəlb etməklə məşğul olurlar.(report)

Tacxeber.com