Güneyli yeniyetmə həbsdən buraxıldı, intihar etdi

G Şərqi Azərbaycan əyalətinin Culfa şəhərindən olan 16 yaşlı yeniyetmə Arşiya İmamquluzadə həbsdən buraxıldıqdan sonra intihar edib.

 Tacxeber.com xəbər verir ki, yeniyetmənin ailəsinin məsələni ictimailəşdirməməsi üçün təhlükəsizlik məmurları tərəfindən təhdid edildiyi bildirilir.

İnsan haqları təşkilatlarının açıqlamasına görə, Arşiya İmamquluzadəyə həbsxanada təzyiq göstərildiyi üçün o, sarsıntı keçirərək intihara əl atıb.

Qeyd edək ki, mollanın əmmaməsini başından götürdüyünə görə həbs edilən azərbaycanlı yeniyetmə 10 gün həbsxanada saxlanıldıqdan sonra girov qarşılığında müvəqqəti azadlığa buraxılmışdı.

Tacxeber.com