Ukraynalı hərbçilərdən inanılmaz addım: Türkiyədə etiraz yaratdı – Foto

Rusiya ilə müharibə vəziyyətində olan Ukrayna hərbçiləri Türkiyədə etiraz yaradan addım atıblar.

Ukrayna sıralarında döyüşən ukraynalı və beynəlxalq anarxist təşkilatların yaratdığı “Ukrayna Müqavimət Komitəsi” adlanan qruplaşma Türkiyə Silahlı Qüvvələrinin (TSK) bir müddət əvvəl Şimali Suriyada “Pəncə-Qılınc” əməliyyatı ilə zərbə vurduğu YPG/PKK terrorçularına dəstək mesajı verib.

Əvvəllər YPG terror təşkilatının tərkibində olan amerikalı, qərbli və ukraynalı muzdlulardan ibarət “Ukrayna Müqavimət Komitəsi” rusdilli Teleqram kanalında foto paylaşıb.

İki əsgərin tutduqları pankartda belə yazılıb: “Xalqlara güc, imperiyalara ölüm. Yaşasın Rojava müqaviməti”.

Pankartı qaldıran hərbçilər Ukrayna formasında olublar.  (Teleqraf.com)

Tacxeber.com