Ərəblərdən Ronaldoya fantastik təklif — ŞOK MƏBLƏĞ
Portuqaliya yığmasının kapitanı, superulduz Kriştiano Ronaldo yenidən gündəmə gəlib.
Ərəblərin diqqət mərkəzində olan hücumçunun bu dəfə 250 milyon avroluq təklif aldığı deyilir.
Son olaraq, “Mançester Yunayted”lə yollarını ayıran və hazırda klubsuz qalan Ronaldo varlı komandaların iştahasını açıb .
37 yaşlı ulduz oyunçu karyerasını Avropada davam etdirmək istəsə də, ona başgicəlləndirici təkliflər ərəb ölkələrindən gəlir .
“Əl- Şərq”dən gələn xəbərə görə, “Əl Rayyan” rəsmiləri Ronaldo üçün ildə 250 milyon avro təklif ediblər .
Dünya çempionatına ev sahibliyi edən Qətər, futbol dünyasında bununla da varlığını hiss etdirmək istəyir .
Qeyd edək ki, bundan əvvəl Səudiyyə Ərəbistanının “Əl Nassir” klubu Ronaldo üçün 200 milyon avro təklif etmişdi .
