Bu transfer vəkilin adı ətrafında yenidən müzakirələr yaratdı və onun artıq üçüncü dəfə veriliş dəyişdiyi iddia edildi. 

“Ümid ilə gəl” verilişin aparıcısı, prodüser Tarix Əliyev (Tolik) Yenisabah.az-a açıqlamas;nda Şəfiqə Nağıyevanın heç vaxt Lalə Azərtaşın proqramında daimi ekspert olmadığını bildirib:

“Şəfiqə Nağıyevanın Lalə Azərtaşın “Təsir dairəsi” verilişində ekspert olması ilə bağlı yayılan xəbərlər yanlışdır. Sadəcə, Şəfiqə Nağıyevanın hüquqlarını qoruduğu şəxs həmin efirə çıxmışdı, o da ona görə iki günlük orada idi. O, heç vaxt həmin verilişdə daimi ekspert olmayıb. Əgər o verilişdə ekspert olmaq istəsəydi, orada qalardı və inanın ki, Lalə Azərtaş da buna ikiəlli razı olardı. Orada şikayətçi olan baba var idi, nəvələrini almaq istəyirdi, həmin şəxs Şəfiqə xanımdan xahiş etmişdi ki, mənimlə birgə verilişə gəl və qanun çərçivəsində danış”.

Tolik qeyd edib ki, vəkil bundan sonra onun verilişində daimi ekspert kimi çıxış edəcək:

“Elgizlə arasında nə baş verib bilmirəm, amma indi mənim verilişimdə ekspertdir. O, Lalə Azərtaşdan sonra mənim verilişimə gəlməyib, yox, məndən sonra Laləyə gedirlər. Məsələn, Anar Vəziroğlu Lalənin verilişindən əvvəl məndə ekspert idi.

Bundan sonra Şəfiqə Nağıyeva mənim verilişimdə olacaq, nəinki mənim verilişimdə, bu həftənin bazar günü Xoşqədəm Hidayətqızının verilişində də ekspert kimi çıxış edəcək. Burada nə var?”

Aparıcı vəkillə Anar Vəziroğlu arasında yaşanan davadan da danışıb:

“Şəfiqə xanım qalmaqal yaratmayıb. Mənim verilişimdə də Rövşanə Ağasəfqızı ilə aralarında mübahisə oldu. Adı üstündə, bu, mübahisədir, qalmaqal yox. Onlar bir az hisslərini cilovlaya bilmirlər, emosionaldırlar. Anar Vəziroğlu ilə Şəfiqə Nağıyevanın arasında olan davanın kadrarxasına baxdıqda görürsünüz ki, Şəfiqə xanım heç yerindən qalxmır. Görün, Anar müəllim onu necə özündən çıxarır ki, axırda götürüb stəkandakı suyu onun üzərinə atır. Amma Anar Vəziroğlu həmin hərəkəti canlı efirdə edib. Bu tam başqa bir şeydir. Anar müəllim yaxşı insandır, amma bir az emosionaldır. Şəfiqə xanım vəkildir, Anar müəllim hissləri ilə danışır, o isə qanunlarla. Mən də bəzən hisslərimlə danışıram”.

Tacxeber.com