Misir Mərdanovdan Vasif Talıbova saxta diplom verilməsi ilə bağlı AÇIQLAMA – ÖZƏL
Milli Məclisin deputatı Etibar Əliyev Naxçıvan Ali Məclisinin sabiq sədri Vasif Talıbovla bağlı şok iddia ilə çıxış edib. E.Əliyev özünün sosial şəbəkə hesabında keçmiş sədri savadsızlıqda ittiham edərək onun saxta diplom aldığını yazıb.
Onun iddiasına görə Vasif Talıbov BDU-da hüquqşünas istisası üzrə ikinci təhsil alıb və 1998-ci ildə bu ali məktəbdən məzun olub.
Deputat onu da əlavə edib ki, araşdırmalar zamanı V.Talıbovun bir dəfə belə sessiyalarda iştirak etmədiyi, hətta imtahanlara qatılmadığı məlum olub.
Məsələ ilə bağlı Bizim.Media sabiq rektor Misir Mərdanovla əlaqə saxlayıb.
Misir Mərdanov da açıqlamasında iddiaları qəbul etmədiyini bildirdi:
“Əvvəla, diplomu rektor yox, Universitet verir. Diplom da dərslərə davamiyyətə və biliyin qiymətləndirilməsinə görə verilir. İkincisi, o zaman mən artıq Təhsil naziri idim”. (Bizim.Media)
