Kazinyan: “Azərbaycan “Artsaxa” qaz və yanacağı yarı qiymətə təklif etsə, nə baş verəcəyini təsəvvür edirsiz?”

“Təsəvvür edə bilirsinizmi ki, Azərbaycan “Artsax”a qaz və yanacağı yarı qiymətə təklif edir, eləcə də ərzaq və digər ehtiyac duyulan şeyləri ucuz qiymətə verir?”

Tacxebər erməni mediasına istinadən xəbər verir ki, bu barədə Ermənistan Milli Assambleyasının keçmiş üzvü Artur Kazinyan deyib:

“Bu, beynəlxalq münasibətlərdə tez-tez istifadə olunan aşkar taktikadır. Böhran və ümidsiz vəziyyət yaratmaq, daha sonra isə beynəlxalq ictimaiyyətin və əhalinin rəğbətini qazanmaq. Azərbaycan bu cür addım atsa, Ermənistan və “Artsax”dakı ermənilər buna necə reaksiya verəcək? Və əgər Allah eləməsin, təklifi qəbul etsələr, o zaman fəlakət hərtərəfli və dərin olacaq” – deyə Kazinyan fikirlərini yekunlaşdırıb.

QEYD: Kazinyan erməni olsa da, səsləndirdiyi fikirlər onun düşünmək qabiliyyəti olduğunu üzə çıxarır. Bəli, Azərbaycan Qarabağda yaşayan erməniləri öz vətəndaşı kimi qəbul etməyə, onların kommunal (qaz, su, işıq) ehtiyaclarını qarşılamağa, eləcə də yaşayış üçün lazım olan vasitələrlə təmin etməyə hazırdır. Bir şərtlə ki, oradakı separatçılar silahı yerə qoyaraq Qarabağdan çıxsınlar, yerli ermənilər isə Azərbaycan vətəndaşlığı üçün bizə müraciət etsinlər. Əslində ağlı olan erməni məhz Azərbaycan vətəndaşı olmağın avantajlarını yaxşı anlamalıdır. Amma Kazinyan bir məsələdə öz mənfur erməni xislətini ortaya qoyaraq məsələyə qərəzli yanaşır. Azərbaycan onun dediyi kimi beynəlxalq ictimaiyyətə və Qarabağdakı ermənilərə göstəriş üçün heç zaman böhran yaratmayacaq və bundan yararlanmaq məqsədilə humanist təkliflərlə çıxış etməyəcək. Əgər Qarabağdakı ermənilər Azərbaycan vətəndaşı olmaq istəsələr və bunun üçün müraciət etsələr, o zaman Kazinyanın da dediyi kimi bütün kommunal vasitələrdən, ucuz ərzaq və digər zəruri məhsullardan faydalanacaqlar. Əks halda isə hər şeydən məhrum olaraq çarəsiz və ümidsiz vəziyyətdə Qarabağı tərk etməlidirlər. Başqa seçim yoxdur! (konkret.az)

Tacxber.com