Üçqat dünya çempionu, futbol üzrə Braziliya millisinin əfsanəvi hücümçusu Pele (Edson Arantes do Nascimento) ilə vida mərasimi San-Pauluda yerləşən “Santos” futbol klubunun stadionunda keçiriləcək.
Tacxəbər xarici KİV-ə istinadən bildirir ki, Pele Santos şəhərində yerləşən 30 mərtəbəli qəbirsanlıqda dəfn ediləcək . Pelenin argentinalı dostu Xose Altstuya məxsus bu qəbirsanlıqda Braziliyalı hücumçu 19 il əvvəl özü üçün yer də alıb. Xatırladaq ki, qəbirsanlıq Qinnesin rekordlar Kitabına düşüb.
1999-cu ildə əfsanəvi braziliyalı hücumçu Beynəlxalq Olimpiya Komitəsi tərəfindən əsrin idmançısı elan edilmişdir. Pele dünən 82 yaşında xərçəng xəstəliyinə təslim olaraq vəfat edib.
