Bir cüt sərbəst dalğıc Maldiv adalarında Sevgililər Gününü tarixin ən uzun sualtı öpüşməsi ilə qeyd edərək Ginnesin Rekordlar Kitabına düşüb.
Tacxeber.com xəbər verir ki, bu barədə “İndependent” məlumat yayıb.
Cənubi Afrikadan olan 40 yaşlı Beth Neil və Kanadadan olan 33 yaşlı nişanlısı Miles Kloutier beş il əvvəl okeanı qorumaq üçün ortaq amalla tanış olublar. Neil sahədə dərs deyir və sərbəst dalğıcdır, Kloutier isə okeanın mühafizəsi proqramı üçün könüllü olub.
Cütlük övladı ilə birlikdə Maldiv adalarına uçub. Üç gün ərzində sevgililər su altında ən uzun öpüşmə rekordunu qırmaq üçün açıq dənizdə məşq ediblər. Nəticədə onların öpüşü dörd dəqiqə altı saniyə davam edib. Əvvəlki rekord üç dəqiqə 24 saniyə idi və 13 il əvvəl qeydə alınmışdı.
