Aparıcı Elgiz Əkbər bir müddət əvvəl onun verilişini tərk edən, hüquqşünas Şəfiqə Nağıyeva ilə bağlı açıqlama verib.

Tacxeber.com xəbər verir ki, bu barədə “Elgizlə izlə” proqramında danışan aparıcı ad çəkmədən vəkil haqda bunları söyləyib:

“Bir nəfər var. Onunla küsülü deyiləm, ona hər zaman yaxşı olmuşam. Bir Allah şahiddir ki, hər zaman dəyərini, qiymətini bilmişəm. Ümumiyyətlə, bütün qonaqlara hörmət etmək borcumdur. Tibb, hüquq, mədəniyyət və sairə sahələrdə öz sözünüzü demiş insanlarsız. Burada əyləşən insanlar elə belə adamlar deyil. Ona isə həddindən artıq hörmət etmişəm. Nə istəyibsə, etmişəm, bir insanın digərinə göstərməli olduğu hörməti əsirgəməmişəm. Sonra anlaşılmazlıq oldu, mənə düşmən kəsilib. Hər yerdə arxamca olmayan şeyləri danışır. Hamısı qulağıma çatır. Mən sənə nə etmişəm? Çox kədərlənirəm. Sözün var, üzümə denən. Sənə “get” deməmişəm, oldu, keçdi. Bu nəyə lazımdır? Çox gülməli şeylər baş verir, məni çox üzür. Sənə heç bir pisliyim dəyməyib, yaxşılıqdan başqa nəsə etməmişəm. Söhbətimiz olmayıb, davamız düşməyib. Bir-birimizi təhqir etməmişik, acı söz deməmişik. İndi oldu da. Ömrümüzün axırına qədər bir yerdə olmalı deyilik ki.

Hər şeyin bir sonu var. Lakin hər yerdə adam tutmusan. Mən bunları gözəl başa düşürəm, uşaq deyiləm. İyirmi ilə yaxındır ki, səhnədəyəm. Bunlar mənə keçməz. Sənə qarşı heç bir kinim yoxdur. Mən də inciyə bilərəm. Lakin pislik arzulayım, başqa fikirlər formalaşdırım. Bu olmaz. Özü də bilirsən ki, həmin adamlar gəlib mənə çatdıracaq. Lakin sadəcə gülürəm. Səbrli davranıram, hər şeyin həddi var. Birinci Allahını bil. Hər halda böyüksən, mənə yol göstərməlisən. Sən mənə məsləhət verməlisən. Nəzərə alsaq ki, dindən danışırıq, deyirsən ki, namaz qılıram, Allahın quluyam. Amma bununla onlar düz gəlmir. Danışmağa qalsa… Mənim ağzımı yummaq olar? Mən isə bunu etmirəm. Çünki hələlik səbr edirəm. Bu gün gəlsin, onu ayaq üstə qarşılayaram, hörmət edərəm. Düşmən deyiləm ki. Niyə məni düşmən gözündə görürsən? Mən sənə nə etmişəm? Lap açıq, ictimai şəkildə de ki, bu adam mənə belə pisliklər edib. Neçə il sən bu proqramda əyləşmisən, olduğun verilişlərdə başlayırsan ki, filan şey belə oldu. Tutaq ki, biz nəsə şou etmişik. Elə şounun ən böyük nümayəndəsi sən idin. Burada əyləşirdin. İndi nə oldu? Başlayırsan arxamca belə şeylər danışmağa. Yenə də mən səni düşmən gözündə görmürəm, dostuq. Biz heç vaxt bir-birimizin xətrinə dəyməmişik, hörmət etmişik. Hətta neçə dəfə görüşdük də. Bunlar yaxşı şeylər deyil. O adamlar ki var… Həmin məsələ də lazım deyil. Yenə də deyirəm, göydə Allah var. Mən ondan çox qorxuram, kiminsə qəlbinə dəymərəm. Nəsə olsa da, həmin insanın könlünü alıram ki, qarğış etməsin. Sabah gəl, səni gül-çiçəklə qarşılayaram. Mən ona görə çox adamı incitmişəm. Ramazan ayıdır, başqa cür qəbul etməsinlər ki, kimisə müzakirəyə çıxardıram. Mənə sual verildi, dedim ki, küsülü olduğun insan yoxdur? Bir nəfər var, özü məni düşmən gözündə görür. Mən də deyirəm ki, sənə düşmən deyiləm, harada görsəm, yenə hörmət edəcəm.

Lakin sən xoflanma! Demək istəyirəm ki, düşünmə, sənə pis münasibət göstərirəm, səni özümə düşmən kimi görürəm. Allah etməsin, mən öz sözümü dedim ki, vəziyyət belədir. Vacibdir ki, bir verilişdə olaq? Biz yenə dostuq. Mən sənə get demişəm, ya qadağa qoymuşam? Mən yazıq nə dedim ki? Özün-özündən, heç nədən getdin. Deyir ki, məni tək qoydun. Başa düşürəm ki, o da məni çox istəyir, onu gözəl bilirəm. Adam çox istədiyindən qısqanclıq olur. Ömrümdə həmin adamdan pis nəsə danışmışam? Ancaq yaxşı sözlər demişəm. Çox uzatmaq istəmirəm. Bildirmək istəyirəm ki, onu çox istəmişəm. Mərd hərəkətlərini görmüşəm, mərdlikləri var. Biz uzun müddət, dörd ilə yaxın bir əməkdaşlığımız oldu, iki il pandemiya dövründə əməkdaşlıq etdik. Yenə də həmin Elgizəm, kinim yoxdur. Ramazan ayı ərəfəsində hamını barışdırıram. Məsələn, dünən Elza Seyidcahanla Mətanət Əsədovanı barışdırdım. Bu gündə iki adamı barışdıracam. Mən də deyirəm ki, onunla küsülü deyiləm, istəyirsən, verilişdən sonra zəngləşək görüşək”. (publika)