İnsan beyninə çip yerləşdirilməsinə icazə verildi

İnsanlar üzərində beyin çiplərinin ilkin sınaqlarının keçirilməsinə icazə verilib.

Tacxeber.com xəbər verir ki, “SpaceX” və “Tesla”nın CEO-su İlon Mask açıqlayıb. O, ABŞ Qida və Dərman İdarəsinin (FDA) “Neurolink” şirkətinin istehsal etdiyi çiplərin sınağına icazə verdiyini deyib.

Maskın sözügedən layihəsinin əsas məqsədi iflic və korluq kimi xəstəlikləri müalicə etməkdir.

Meymunlar üzərində sınaqdan keçirilən çiplər beyində istehsal olunan siqnalları şərh etmək və “Bluetooth” vasitəsilə məlumatı cihazlara ötürmək üçün nəzərdə tutulub.

Qeyd edək ki, bundan əvvəl İsveçrədə aparılan araşdırma nəticəsində iflic olan 40 yaşlı niderlandlı Gert-Jan Oskam beyin implantları sayəsində yalnız düşünərək yeriyə bilib.

Tacxeber.com