“Mançester Siti”nin məşqçisi Enzo Mareskinin atası Çempionlar Liqasının finalı zamanı Türkiyədə itkin düşübmüş.

Məlumata görə, mütəxəssisin atası oyun günü İstanbulda yoxa çıxıb. Onun bir müddət sonra tapıldığı bildirilib. Lakin hadisənin təfərrüatı açıqlanmayıb.

Xatırladaq ki, iyunun 10-da “Mançester Siti” Çempionlar Liqasının finalında İtaliya “İnter”ini minimal hesabla məğlub edib. Yeganə qolu 68-ci dəqiqədə “şəhərlilər”in 26 yaşlı yarımmüdafiəçisi Rodriqo Hernandes vurub. Beləliklə, komanda tarixdə ilk dəfə bu kuboku qazanıb.

43 yaşlı Mareska 2022-ci ildən “Mançester Siti”də çalışır. O, “Yuventus” və “Sevilya”da oynaması ilə tanınır.

Tacxeber.com