Amerikalı sahibkar İlon Mask bildirib ki, milyarder və Açıq Cəmiyyət Fondunun rəhbəri Corc Soros misantropdur (insansevməz, insanlardan qaçan)…
Poliqon xəbər verir ki, biznesmen bu fikri amerikalı komediya ustası Co Roqanın podkastında bildirib.
“Məncə, o, bəşəriyyətə fundamental səviyyədə nifrət edir”, deyə İlon Mask Corc Soros haqqında danışarkən bildirib.
Maskın fikrincə, Corc Soros namizədlərin yerli vəzifələrə seçilməsinə kömək etməkdə nə qədər təsir göstərə biləcəyini bilir, çünki o, qanunların dəyişdirilməsinə ehtiyac olmadığını, önəmli olan onların necə həyata keçirildiyini başa düşür.
Sahibkar fond rəhbərini ABŞ-da “Demokratlar Partiyasının əsas sponsoru” adlandırıb.
Qeyd edək ki, sentyabr ayında İlon Mask Corc Sorosu Qərb sivilizasiyasını məhv etmək cəhdində ittiham edib. Daha sonra biznesmen Açıq Cəmiyyət Fondunun söz azadlığına təzyiqlərini dayandırmaq üçün onu məhkəməyə vermək planlarını açıqlayıb.
