“Uzunmüddətli müharibə sərfəli deyil” – Putin planı dəyişir

Rusiya ordusu cəbhədə bir müddət aktivləşməyə davam edəcək. Ukrayna qarşı tərəfin təzyiqinə tab gətirməklə yanaşı, müdafiə taktikasının və strategiyasının gücləndirilməsi üçün şərait yaratmalıdır.

Bunu ukraynalı hərbi ekspert Sergey Zqurets deyib.

“Uzunmüddətli müharibə Rusiya üçün sərfəli variant deyil, çünki bu, daxili gərginliklə müşayiət olunur. Putin ölkəsinin əhalisinə cəbhə xəttindəki dəyişikliklərin məntiqini göstərə bilmir, bu da daxili gərginlik yaradır. Putin cənubdakı hücumda qüvvələrimizin müəyyən qədər tükənməsindən yararlanmağa çalışır. Bu səbəbdən bütün cəbhə xətti boyunca hücumlar artırılmalıdır ki, bu da artıq baş verir”, – ekspert bildirib.

Zqurets vurğulayıb ki, Rusiya hücum üçün ehtiyat qüvvələrdən maksimum istifadə edir. Bununla bağlı bütün cəbhə xəttində aktivləşmə gözlənilir. Eyni zamanda, gözlənilən və gözlənilməz hallara qarşı müttəfiqləri Ukraynanı dəstəkləmək üçün yeni uzunmüddətli strategiya formalaşdırmalıdır. Zqurets əlavə edib ki, Qərb ölkələri artıq müharibəyə yanaşmalarını dəyişməyə başlayıb.

“Gələn il Ukraynaya silah-sursat və texnika tədarükü və qəbulu tempi baxımından son dərəcə çətin olacaq, bu da əvvəlki illə müqayisədə aşağı olacaq”, – ekspert vurğulayıb. (Teleqram)

Tacxeber.com