“Rəngarəng” verilişində az qaldılar ki, efirə gələn müğənnini soyundursunlar”-FOTO+ÖZƏL

“Onu Elgiz Əkbər efirdə demişdi. Mən onun verilişinə gedəndə şirniyyat hazırlayıb aparmışdım. Çox da bəyənmişdilər. Pandemiya vaxtı idi. Hansısa müğənni şirniyyat hazırlayıb onunla dolanırdı. İstədi məni onunla reklam etsin. Kulisdə də mənə dedi ki, “sənin kimi tort bişirən var? Hazırla sat da”. Hazırlayıb satmalı olsaydım özümü reklam edərdim də. Əlimin duzu var, qurmanam. Amma şirniyyat sexim yoxdur. Kiçik bir biznesim var, onunla dolanıram. Vəssalam! Orada da heç nə istehsal etmirəm. Daha dəqiq desək ofisim var, onu icarəyə vermişəm”  deyə müğənni bildirib.

Yaqut Babayeva sənətdə yarım qalan arzularından da danışıb.

“Hamı kimi mən də istərdim ki, əməyimə qiymət verilsin. 2006-cı ildən adım “əməkdar artist” fəxri adı siyahısındadır, amma vermirlər. Mənim 65 yaşım var, nə vaxt verəcəksiniz?! Mən Aztv kimi dövlət kanalından çıxmışam, indikilər kimi özəl televiziyalardan tanınmamışam. Müğənnilər bu gün tədbirlərə gedəndə 5 ulduzlu otellərdə qalır, biz qastrol səfərlərinə gedəndə otaq soyuq olduğu üçün şuba ilə yatırdıq. Üzr istəyirəm, ayaqyolunun pis qoxusu səhərə kimi yatdığımız otağa gəlirdi. Bu sənətdə əmək qoymuşam, niyə əməkdar artist fəxri adı almayım ki?! Fəxri ad almaq mənim üçün xoşbəxtlik deyil. Elə adamlar var ki, nahaqdan fəxri ad alır, amma mənim buna haqqım var. Səngərlərdə, cəbhə bölgələrində başımızın üstündən güllələr göydə uçurdu. Sənətimə, əməyimə qiymət verilmədi. Bundan küsülü, incikli qalmışam. Şükür Allaha başqa həyatımdan çox razıyam” deyə Yaqut Babayeva deyib.

Yaqut Babayeva Şövkət Ələkbərova ilə bağlı xatirəsini də bizimlə bölüşüb.

“Sənətə yeni-yeni qədəm qoymuşdum. Aztv də bizim ifalarımıza qulaq asırdılar. Münsiflər də rəhmətlik Gülağa Məmmədovla Şövkət Ələkbərova idi. Zeynəb xanımın mahnısını oxudum, Şövkət xanım məni bəyənmədi. Sonra dedilər ki, bilmirsən onun Zeynəb xanımdan xoşu gəlmir?! Baxmayaraq ki, o zaman Şövkət xanım məni Zeynəb xanımın repertuarından oxuduğum üçün bəyənmədi, daha sonra onun mənə qarşı xoş münasibətinin şahidi oldum. Günlərin bir günü mən toy məclislərinin birində idim. Xəbərim yox idi ki, Şövkət xanım həmin toyda qonaqdır. Şövkət xanımın bir mahnısı var, bəlkə də onu məndən başqa heç kim bilmir. Bir misra o mahnıdan oxudum. Bir də gördüm Şövkət xanım gəlib dayanıb qabağımda. Əliylə mənə baxıb əla göstərdi. Allah rəhmət etsin, böyük sənətkar idi. Bu münasibət mənə böyük stimul oldu, toyu daha həvəslə aparmağa başladım” deyə sənətkar bildirib.