“Britaniyanın məxfi kəşfiyyat rəhbəri Rusiyaya qarşı casusluq etməyə çağırış edib” – “Associated Press”

“Britaniyanın qapıları bizimlə əməkdaşlıq etmək istəyən rusiyalıların üzünə həmişə açıqdır…”

“Biz heç vaxt Rusiya dövlət televiziyasının bizim köməyimizə gələcəyini düşünməmişik…”

Britaniya kəşfiyyatının direktoru Rusiya telekanalına əməkdaşlığa cəlbetmə addımına görə səmimi minnətdarlıq edib

Britaniyanın “MI-6” kimi tanınan məxfi kəşfiyyat xidmətinin rəhbəri Riçard Mur Rusiyanın dövlət telekanalını onun hakimiyyətdən narazı olan rusiyalılara Britaniya kəşfiyyatçıları ilə əməkdaşlıq etməyə çağırış edən nitqinin yayımına görə minnətdarlıq edib.

Bu barədə “Associated Press” beynəlxalq informasiya agentliyi məlumat yayıb.

Bu ilin iyul ayında Riçard Mur Praqada çıxışı zamanı “öz liderlərinin satqınlığı, daxili qalmaqalları, rəhmsizlik və səriştəsizliyi ilə” üzləşən rusiyalılara Böyük Britaniyanın xeyrinə casusluq etməyə çağırış edib.

Rusiyanın populyarlığına görə ikinci olan Birinci tekekanalı sentyabr ayında Britaniya kəşfiyyat idarəsinin rəhbəri haqqında bir saatlıq veriliş yayımlayıb, oraya onun çıxışının tərcüməsi olan çarxı da əlavə edib.

Çıxışında Mur həmçinin iddia edib ki, rusiyalılar Ukraynada müharibə başlanandan sonra tez-tez MI-6-ya müraciət edib və vurğulayıb ki, “Britaniyanın qapıları həmişə açıqdır”.

“Biz rusiyalıların yardım haqqında təkliflərini mənim xidmətimin şöhrət qazandığı ehtiyatla və peşəkarlıqla nəzərdən keçirəcəyik. Onların məlumatları həmişə bizimlə birgə təhlükəsiz olacaq və biz qan tökülməsinin qarşısını almaq üçün birlikdə işləyəcəyik”, – o, deyib.

Bazar ertəsi Mur “X” şəbəkəsində deyib ki, Britaniya xarici kəşfiyyat agentliyi bu ismarıcı Rusiyanın məqsədli auditoriyasına necə çatdırmaq üzərində “baş sındırıb”.

“Biz heç vaxt Rusiya dövlət televiziyasının bizim köməyimizə gələcəyini düşünməmişik. Uşaqlar, çox sağ olun!” – Britaniya kəşfiyyatının rəhbəri təbliğatçılara minnətdarlıq edib və üç balaca “smaylik” əlavə edib.

Proqramın müəllifi xarici agent kimi məhkum edilən və 2019-ci iıdə Amerikadan deportasiya olunan sabiq rusiyalı casus qadın Mariya Butinadır. Hazırda o, Putinin “Vahid Rusiya” partiyasından deputat və teleaparıcıdır.

Proqramda o, Muru “əməkdaşlığa ucuz cəlbetmə metodlarından” istifadədə ittiham edib və onun “rusiyalıların belə utanmaz təxribata uymaq” xahişinin ciddiliyini şübhə altına alıb.

London Universitet Kollecindən Rusiya təhlükəsizlik xidmətləri üzrə eksperti Mark Qaleotti hesab edir ki, Murun şərhlərinin tərcüməsi və yayımı “kifayət qədər ciddi yanlışlıqdır”.

“Butinanın seyriciləri, ehtimal ki, Britaniya kəşfiyyatının maraqlana biləcəyi adamlardır. Kəşfiyyatın işi “suya zərrəciklər ataraq kimsənin onu tutacağına ümid etməkdən” ibarətdir”, – Qaleotti deyib və əlavə edib ki, o, bu informasiyanın fayda gətirəcəyini istisna etmir.

Qeyd edək ki, Rusiyanın Ukraynaya hərbi müdaxiləsindən sonra 900 mindən artıq rusiyalı ölkəni tərk edib və xaricə üz tutub. Ekspertlər deyir ki, rusiyalıların Qərbə məlumatlar ötürməsi hökumətə olan qəzəbdən qaynaqlanır.  (Moderator)

Tacxeber.com