“Rusiya Ukrayna müharibəsinə Tacikistandan qüvvələr səfərbər edir” – ISW

“Bu qüvvələr hərbi əməliyyatların gücləndirilməsi məqsədilə əsasən Kremennaya rayonunda döyüşlərə cəlb edilir…”

“Hərbi müxbirlər rusiyalı işğalçıların Avdeyevka və digər rayonlarda uğurlarını şişirtməklə məşğuldur…”

Rusiyalı hərbi müxbirlər iddia edir ki, işğalçılar Oskol çayının şərq sahilində və Kupyansk istiqamətində iki müəyyən edilməmiş mövqeləri ələ keçirib, lakin ISW bu hücumun sübutlarını aşkar etməyib.

Bu barədə Amerikanın müharibənin öyrənilməsi İnstitutunun (ISW) yeni hesabatında deyilir.

Qeyd edilir ki, işğalçılar Sinkovka və İvanovka yaxınlığında hücuma keçib, Ukrayna Silahlı Qüvvələri isə Sinkovka yaxınlığında əkshücum həyata keçirib.

Rusiya və Ukrayna qoşunları Kremennayadan qərbə doğru, Dibrovı və Serebraynsk meşəçiliyi rayonunda mövqe döyüşləri aparıb.

Analitiklər qeyd edir ki, bu rayonda Rusiyanın 201-ci hərbi bazasının (Mərkəzi Hərbi Dairəsi) bölmələri fəaliyyət göstərir.

“Düşənbədə (Tacikistan) yerləşən 201-ci hərbi bazanın bölmələrinin olması onu göstərir ki, Rusiya qoşunları hərbi əməliyyatları gücləndirmək üçün Tacikistandan qüvvələrinin bir hissəsini buraya cəlb edir”, – analitiklər vurğulayıb.

Bundan başqa, rusiyalı hərbi müxbirlər işğalçıların Baxmutdan qərbə doğru irəliləməsi barədə məlumatlar yayır, lakin ISW bu rayonda cəbhə xəttində hər-hansı dəyişiklikləri təsdiq etməyib.

İşğalçıların həmçinin Avdeyevka rayonunda uğurları şişirdilib. Analitiklər qeyd edir ki, təbliğatçılar rusiyalıların Pervomaysk rayonunda Avdeyevkadan cənub-qərbə doğru irəlilədiyi barədə məlumat yayıb, lakin ISW bunun vizual təsdiqini aşkar etməyib.

Ukraynada müharibə – xəbərlər

Sutka ərzində Müdafiə Qüvvələrinin aviasiyası rusiyalı işğalçıların şəxsi heyəti, silah və texnikasının cəmləşdiyi 16 rayona zərbələr endirib. Həmçinin düşmənin bir zenit-raket kompleksi məhv edilib.

Öz növbəsində raket qoşunlarının bölmələri düşmənin şəxsi heyəti, silah və hərbi texnikası, döyüş sursatları anbarları və altı artilleriya vasitələrinin cəmləşdiyi

beş rayona zərbələr endirib. (Moderator)

Tacxeber.com