Erməni vandalizminə məruz qalan Qarabağ xanlığının banisi Pənahəli xanın dəbdəbəli sarayı restavrasiya olunur. 

Tacxeber.com xəbər verir ki,  bu barədə “AzTV Xəbər”də yayımlanan reportajda bildirilib.

Qeyd edilib ki, XVIII əsrə aid tarix-memarlıq abidəsi olan və Pənahəli xanın sarayının, xan nəslinin nümayəndələrinin türbələrinin və məzarının yerləşdiyi tarixi qəbiristanlığın və Qarabağ atçılıq parkının daxil olduğu “İmarət” Kompleksi tezliklə Azərbaycanın tarixi həqiqətlərinin təqdimat mərkəzinə, yerli və xarici ziyarətçilərin baş çəkdiyi əsas məkanlardan birinə çevriləcək.

Ağdam işğaldan azad olunandan sonra xarici mütəxəssislərin iştirakı ilə 3,3 hektar ərazini əhatə edən kompleksin layihə və dizaynı hazırlanıb. Layihəyə əsasən təmir və bərpa işlərinə başlanılıb.

Mədəniyyət Nazirliyinin Aparat rəhbəri Xanlar Ağalarov və AMEA-nın Arxeologiya, Etnoqrafiya və Antropologiya İnstitutunun direktoru Fərhad Quliyev kompleksdə görülən işlərlə bağlı məlumat verib.

Videoda bu barədə daha ətraflı məlumat əldə edə bilərsiniz: