Kanadanın baş naziri Castin Trüdonun təyyarəsi Yamayka səfəri zamanı xarab olub.

Tacxeber.com xəbər verir ki, bu, onun təyyarəsi ilə bağlı son dörd ayda ikinci insidentdir.

Bildirilib ki, problemi həll etmək üçün təmir heyəti ilə ikinci təyyarə göndərilib.

Trüdo ailəsi ilə birlikdə Karib dənizində istirahət edirdi.

Təhlükəsizlik səbəbiylə hərbi təyyarə ilə getməli olan baş nazir dekabrın 26-da Yamaykaya uçub.

CBC xəbər verir ki, problem yanvarın 2-də aşkarlanıb.

Ötən ilin sentyabrında Trüdonun Hindistanı tərk etməsi mexaniki problem səbəbindən iki gün gecikdirilmişdi.

“CC-144 Challenger” tipli hər iki təyyarə Kanada Hərbi Qüvvələrinin balansına yeni əlavə olunub.

Tacxeber.com