Süni intellektin (AI) istifadəsinin uzunmüddətli nəticələrini öyrənən “AI Impacts” tədqiqat şirkəti 3 minə yaxın mütəxəssisin iştirak etdiyi geniş sorğunun nəticələrini yekunlaşdırıb.
Tacxeber.com xəbər verir ki, tədqiqat “arXive” elmi nəşriyyat portalının “Computers and Society” (CAS) bölməsində dərc edilib.
Onlardan neyroşəbəkələrin tətbiqi nəticəsində insanların həyatının necə dəyişəcəyinə dair ssenariləri təsəvvür etmələri xahiş olunub.
Respondentlərin əksəriyyəti süni intellekt sayəsində bizi ədəbiyyat, riyaziyyat, musiqi, memarlıq və müxtəlif elmlər üzrə görkəmli nailiyyətlərin gözlədiyinə əmin olduqlarını bildiriblər.
Eyni zamanda, sorğu iştirakçılarının 38%-dən 51%-ə qədəri bildirib ki, onların fikrincə, neyroşəbəkələr səbəbindən insanların məhv olma ehtimalı ən azı 10% təşkil edir. Mütəxəssislərin təxminən 60% -i bu ehtimalı 5% qiymətləndirdi.
Süni intellektin yaratdığı təhlükələrdən danışan ekspertlər onun dezinformasiya yaratmaq və ictimai rəyə təsir etmək qabiliyyətini vurğuladılar ki, bu da bütün dünyada artan avtoritar meyllər və azadlıqların azalması fonunda xüsusilə təhlükəlidir.
Bəzi elm adamları hesab edir ki, 2047-ci ilə qədər maşınların insan müdaxiləsi olmadan bütün mümkün işləri yerinə yetirmək və onları insanlardan daha yaxşı və daha az xərclə yerinə yetirmək qabiliyyətinə nail olmaq şansı 50% olacaq. İki il əvvəl tədqiqatçılar bunun 2060-cı ilə qədər baş verməyəcəyini proqnozlaşdırmışdılar.