“Rusiya-Ukrayna cəbhəsində vəziyyət dalana dirənib”. 

Tacxeber.com xəbər verir ki, İtaliyanın “Rai1” telekanalına müsahibəsində Ukrayna prezidenti Volodimir Zelenski bunu avadanlıqla bağlı gecikmələrlə izah edib.

“Biz dünyanın ən böyük ordularından birinə sahib olan terrorçulara qarşı mübarizə aparırıq, kifayət qədər silah-sursat yoxdur, müasir texniki vasitələrə ehtiyacımız var”, – Zelenski belə deyib.

Eyni zamanda, Ukrayna prezidenti dəniz əməliyyatını qeyd edib: “Bunun sayəsində Rusiya bir çox gəmilərini itirib, Ukrayna isə taxıl dəhlizi yarada bilib”.

Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb.

Tacxeber.com