Bloomberg: Tramp seçkidə qalib gələrsə, Aİ-yə qarşı cəza tədbirləri görəcək
ABŞ prezident seçkilərində qalib gəlsə, keçmiş dövlət başçısı Donald Tramp Avropa İttifaqına qarşı cəza tədbirləri görəcək.
Bloomberg bu barədə eks-prezidentin tərəfdarlarına istinadən yazıb.
Trampın qeyri-rəsmi iqtisadi məsləhətçilərindən biri agentliyə müsahibəsində deyib ki, keçmiş prezident danışıqlar zamanı Aİ ölkələrini ABŞ-ın maraqlarına uyğun hərəkət etməyə məcbur etmək üçün taktiki olaraq ticarət və tariflərdən istifadə edir. Tramp NATO müttəfiqlərindən hərbi ehtiyaclar üçün daha çox pul ayırmağı tələb edəndə bu, açıq şəkildə özünü büruzə verdi. Trampın qeyri-rəsmi məsləhətçisinin sözlərinə görə, çox şey Avropa İttifaqının Amerika mallarına tarifləri azaltmaq üçün nə etməsindən asılı olacaq.
Eks-prezidentin tərəfdarları hesab edirlər ki, Aİ-yə qarşı sərt ticarət tədbirlərinin tətbiqinin müxtəlif motivləri var. Onların arasında, xüsusən də Çin məhsullarına rüsumlarla bağlı qəti mövqe tutmayan və Çin şirkətlərinin strateji investisiyalarını məhdudlaşdırmaq niyyətində olmayan Avropa İttifaqında məyusluq var.
Daha əvvəl bildirilmişdi ki, NATO Trampın hakimiyyətə gələcəyi təqdirdə ABŞ-ın alyansdan çıxacağından ehtiyat edir. (Vayuta)
