Macarıstan prezidenti qalmaqaldan sonra istefa verdi
Macarıstan Prezidenti Katalin Novak istefa verib.
Tacxeber.com xəbər verir ki, bu barədə “Reuters” məlumat yayıb.
Bildirilir ki, Novak bu qərarı uşaq evində cinsi zorakılıq hadisəsini ört-basdır etdiyinə görə məhkum olunmuş adamı əfv etmək qərarından sonra yaranan ictimai rezonansdan sonra verib.
“Mən səhv etdim. Əfv qərar şübhələr yarada bilər. Lakin heç bir şübhə yoxdur və ola da bilməz. Uşaqlara qarşı zorakılıq edəni heç vaxt əfv etməzdim. Uşaqları qorumaq bizim ümumi borcumuzdur”, – Novak bildirib.
Novak əlavə edib ki, o, yeni prezidentin səhv etməməsini gözləyir:
“Mən xətrinə dəydiyim insanlardan və onları dəstəkləmədiyimi düşünən qurbanlardan üzr istəyirəm”.
Qeyd edək ki, Macarıstanın yeni prezidenti səlahiyyət müddəti bitdikdən sonra 30 gün ərzində parlament tərəfindən seçilməlidir.
Xatırladaq ki, bu yaxınlarda baş verən qalmaqal Katalin Novakın 2023-cü ilin aprelində, Papanın səfəri ərəfəsində təxminən iki nəfəri əfv etmək qərarı ilə bağlıdır.
Onların arasında keçmiş direktora cinayətləri gizlətməyə kömək edən uşaq evinin direktor müavini də olub. Direktor 2004-2016-cı illər arasında bir neçə yetkinlik yaşına çatmayan oğlanları cinsi istismara məruz qoyduğu üçün 8 il müddətinə azadlıqdan məhrum edilib.
Daha sonra Macarıstanın müxalifət partiyaları Novakın istefasını tələb ediblər.
