“Qarabağ”ın potensial rəqibləri – Bakıya hansı nəhəng gələcək?
Fevralın 23-də Avropa Liqasında 1/8 final mərhələsinin püşkatma mərasimi keçiriləcək.
“Qarabağ” da püşkatmada təmsil olunacaq. İsveçrənin Nyon şəhərində keçiriləcək püşkatma mərasimi Bakı vaxtı ilə saat 15:00-da başlanacaq.
Bu mərhələdə pley-off-un qalibləri Avropa Liqasında qrupu birinci yerdə başa vurmuş 8 komandadan biri ilə qarşılaşacaq. “Qarabağ”ın potensial rəqibləri sırasında onunla eyni qrupda yarışmış “Bayer” də (Almaniya) var.
Ümumilikdə Ağdam klubunun 8 potensial rəqibi var:
“Atalanta” (İtaliya)
“Bayer” (Almaniya)
“Brayton” (İngiltərə)
“Vest Hem” (İngiltərə)
“Vilyareal” (İspaniya)
“Liverpul” (İngiltərə)
“Reyncers” (Şotlandiya)
“Slaviya” (Çexiya)
Qeyd edək ki, Avroliqada 1/8 finalın ilk oyunları 7 mart, cavab görüşləri isə 14 mart tarixində keçiriləcək. (Publika)
