“Kərə yağının tərkibində insan sağlamlığı üçün faydalı olan bir çox element var”.

Tacxeber.com xəbər verir ki, bu barədə qastroenteroloq Anastasiya Timoşenko news.ru-ya müsahibəsində deyib.

Timoşenkonun sözlərinə görə, böyüklər üçün istehlak edilən kərə yağının miqdarı gündə 20 qramdan, uşaqlar üçün isə 10 qramdan çox olmamalıdır:

“Kərə yağından gələn doymuş yağlara əlavə olaraq, rasiona bitki yağlarından gələn doymamış yağlar da daxil edilməlidir”.

Həkim əlavə edib ki, A vitamini ilə yanaşı, kərə yağında K vitamini, həmçinin güclü antioksidant olan E vitamini də var:

“E vitamini immun sistemi, eləcə də dəri və saç üçün vacibdir. Bundan əlavə, digər süd məhsulları kimi, kərə yağında da kalsium çoxdur. Kərə yağı sinir sisteminin işləməsi və hüceyrə membranlarının qurulması üçün vacib olan fosfolipidlərin mənbəyidir.

Yağ bir maddə olaraq qadın cinsi hormonlarının sintezində iştirak edir, yəni bu məhsul qadınların sağlamlığını və gözəlliyini qorumaq üçün vacibdir”.

Tacxeber.com