Qırmızı dənizdə bölgənin dənizaltı trafikinin yüzdə 25-ni təşkil edən Avropa, Asiya və Afrika arasındakı rabitə kabelləri zədələnib.

Tacxeber.com Publika.az-a istinadən xəbər verir ki, məhz bundan dərhal sonra İnstagram və Feysbuk sosial şəbəkələrinin işində qlobal problem yaranıb.

Honq-Konqda yerləşən telekommunikasiya operatoru HGC Global Communications Limited, Qırmızı dənizin cənubunda yerləşən və Yəmənin yurisdiksiyasına daxil olan Asiya-Afrika-Avropa 1, Europe India Gateway, Seacom və TGN əlaqələrinin zədələndiyini açıqlayıb. Onlar məlumatların Asiyadan Avropaya ötürülməsi üçün vacibdir.

Şirkət əvvəlki təcrübəni nəzərə alaraq hadisələrin bu cür inkişafına əvvəlcədən hazır olduqlarını və artıq digər xətlər üzrə nəqliyyat axınının istiqamətləndirilməsinə başladıqlarını vurğulayıb. Oxşar hadisə fevralın sonunda Qırmızı dənizdə baş verib, 4 sualtı kabel zədələnib.

Həmin dövrdə dəymiş ziyan Avropa və Asiya arasında internet rabitəsinin kəsilməsinə səbəb olub və əsas problem Fars körfəzi ölkələri və Hindistanda qeydə alınıb.

Tacxeber.com