Qurban Qurbanovla bağlı maraqlı suala – Xabi Alonsonun cavabı
“Bayer”in baş məşqçisi Xabi Alonso “Qarabağ”ın baş məşqçisi Qurban Qurbanovdan danışıb.
O, bu gün keçirilən mətbuat konfransında həmkarı barədə fikirlərini bildirib. azerisport.com-un xəbərinə görə, azərbaycanlı jurnalist tədbirdə X.Alonsoya belə bir sual ünvanlayıb:
“Yanvarın sonunda Qurban Qurbanov sizin klubun qonağı oldu. Əgər bilsəydiniz ki, “Qarabağ” sizinlə yenidən düşəcək, Qurbanovu qəbul edərdinizmi?” sualı ispaniyalı mütəxəssisdə təbəssüm yaradıb.
X.Alonso cavabında deyib: “O, yaxşı məşqçidir. İstənilən halda onu böyük məmnuniyyətlə qəbul edərdik. Yaxşı söhbətlərimiz oldu. Aramızda heç bir sirr yox idi. Bizim bir-birimizdən gizlədəcəyimiz heç nə yoxdur”.
Xatırladaq ki, bu mövsüm Avropa Liqasının qrup mərhələsində qarşılaşmış “Qarabağ”la “Bayer” martın 7-də sabah Bakıda həmin yarışın 1/8 finalında da üz-üzə gələcəklər. Bu komandalar arasında cavab görüşü martın 14-ü Leverkuzendə keçiriləcək. (Qol az)
