“Abzas Media”nın direktoru Ülvi Həsənlinin həbs müddəti uzadılıb.

Tacxeber.com xəbər verir ki, qərar Bakı şəhəri Xətai Rayon Məhkəməsində qəbul olunub.

Qərara əsasən, onun barəsində olan həbs qətimkan tədbiri daha 2 ay 29 gün uzadılıb.

Qeyd edək ki, ötən il noyabrın 20-də onun barəsində 4 aylıq həbs qətimkan tədbiri seçilmişdi.

Ü.Həsənli Cinayət Məcəlləsinin 206.3.2-ci (qaçaqmalçılıq) maddəsi ilə təqsirli bilinir.

Həmin iş çərçivəsində saxlanılan “Abzas Media”nın baş redaktoru Sevinc Vaqifqızının həbsi də 2 ay 29 gün müddətinə uzadılması barədə qərar qəbul olunub. Ötən ilin noyabr ayında onun barəsində 3 ay 29 gün müddətə həbs qətimkan tədbiri seçilmişdi. S.Vaqifqızı da Cinayət Məcəlləsinin 206.3.2-ci (qaçaqmalçılıq-qabaqcadan əlbir olan bir qrup şəxs tərəfindən törədildikdə) maddəsi ilə təqsirli bilinir.

Tacxeber.com