Paris Ukraynada İKİ CƏBHƏ AÇIR? – Fransız əsgərlər bu ərazilərə yerləşdiriləcək.
Fransa Silahlı Qüvvələrinin istefada olan polkovniki Vincent Arbaretier hesab edir ki, Ukraynaya göndərilə biləcək fransız əsgərləri Dnepr boyunca və ya Kiyev ətrafında yerləşdiriləcək .
O, bu barədə LCI telekanalının efirində bildirib.
“İki variant mümkündür: Dnepr boyunca və Kiyev ətrafında. Onları qarışdırmaq olar ki, ruslar daha da irəli gedə bilməsinlər, əks halda atəşimizin altına düşmək riski var”, – Arbaretier bildirib.
O, iddia edir ki, fransız əsgərlərinin Ukraynada yerləşdirilməsi Rusiyaya qarşı təxribata çevrilməyəcək, lakin Moskvanı danışıqlara məcbur etməlidir.
