“Ukrayna Müdafiəsi üzrə Təmas Qrupu NATO-nun nəzarəti altına keçə bilər” – “Politico”
“ABŞ və digər Qərb ölkələri silah təchizatını koordinasiya edən Ukrayna Müdafiəsi üzrə Təmas Qrupunun NATO-nun nəzarəti altına keçməsi imkanlarını müzakirə edir”.
Bu barədə “Politico” üç avropalı və bir amerikalı məmura istinadən yazıb.
Bildirilir ki, bu, Donald Trampın prezident seçiləcəyi təqdirdə tədarükün saxlanmasına kömək edə bilər.
Rəsmilərdən birinin sözlərinə görə, Təmas Qrupunun təhvil verilməsi NATO xarici işlər nazirlərinin aprelin 3-ü və 4-də Brüsseldə keçiriləcək görüşündə müzakirə olunacaq və prosesin iyulda alyansın Vaşinqtonda keçiriləcək sammitinə qədər başa çatdırılması planlaşdırılır.
“Politico”nun digər mənbəsi qeyd edir ki, bu, digər NATO ölkələrinə təchizat prosesinə daha çox təsir göstərməyə imkan verəcək.
Nəşrin digər mənbəsi bildirib ki, Avropadan və alyansdan Kiyevə dəstəyi rəsmiləşdirmək məqsədilə qrupun NATO-nun nəzarətinə keçməsi ilə bağlı müzakirələr çox yüksək səviyyədə aparılır. Bunun səbəblərindən biri kimi o, qrupu daha davamlı etmək istəyini göstərib.
