Ağciyərlərin zədələnməsinin qarşısını alan yeni dərman hazırlandı
Yeni hazırlanmış dərman qripdən qaynaqlanan iltihabın səbəb olduğu ağciyər zədələnməsinin qarşısını alır.
Medicina.az xəbər verir ki, bu barədə “Nature” elmi jurnalında dərc olunan araşdırmada bildirilir.
Tədqiqatçılar iltihaba səbəb olan hüceyrə ölümünün qarşısını alaraq siçanlarda infeksiyanın gedişatını dəyişdirməyi bacarıblar.
Bir sıra təcrübələrdə “UH15-38” adlı yeni dərmanın hətta aşağı dozalarda da “influenza” virusundan qoruduğu sübut olunub. Belə ki, insanların məruz qaldığı miqdarda “influenza” virusu verilən siçanlar dərman sayəsində müdafiə olunublar.
