Meclis.info platformasının rəhbəri saxlanılıb.
Aprelin 18-də “Meclis.info” platformasının rəhbəri İmran Əliyev Heydər Əliyev Beynəlxalq Aeroportunda saxlanılıb.
Tacxeber xəbər verir ki, bu barədə onun özü məlumat verib.
“Haqqımda gedən sifarişli yazıdan sonra təhlükəsizlik üçün İstanbula bilet almışdım. Barəmdə yazılan xəbərlər uydurmadır. Saat 20:54-dür, pasportumu, həmçinin biletimi də alaraq məni saxlayıblar”.
İmran Əliyev bildirib ki, o, Sərhəd Qoşunları tərəfindən saxlanılaraq “qara maskalı” şəxslərə təhvil verilib. Onun sözlərinə görə saxlanılarkən ona qarşı zor tətbiq olunub.
