Hindistanlı milyonçu cütlük Bhaveş Bhandari və həyat yoldaşı Cinal var-dövlətlərindən və dəbdəbəli həyat tərzindən əl çəkərək keşiş olmaq qərarına gəliblər.

Tacxeber.com xarici KİV-ə istinadla xəbər verir ki, kasta sisteminə görə gəlir bölgüsü bərabərsizliyinin geniş yayıldığı Hindistanda belə bir qərar təəccüblə qarşılanıb.

Cütlük bütün sərvətlərini və lüks əşyalarını kasıblara bağışlayıb.

Onlar indi keşiş kimi xidmət edəcək və yalnız xeyriyyə təşkilatları tərəfindən verilən yeməkləri yeyəcək.

Milyonlarla dollar gəlir gətirən ailə biznesi davam edəcək, lakin Bhandarinin atası və böyük qardaşının idarəçiliyi altında olacaq.

Daşınmaz əmlak eksperti kimi tanınan Bhandari və onun həyat yoldaşı əşyalarını çiçəklərlə dolu arabadan izdihamın arasına atıb.
Paylanmış malları toplamaq üçün 4 kilometrlik yolda yüzlərlə insan zəngin cütlüyün arxasınca düşüb.

“Mən doğru həyat yolunu seçmək qərarına gəldim və bunun üçün kahinliyi seçdim. Dəbdəbəli həyat sürdüm və hətta işimdə belə çətinliklə üzləşmədim. Qərarımdan məmnunam”, – deyə Bhandari söyləyib.

Cütlüyün 19 və 16 yaşlı iki qızı isə 2022-ci ildən kahinliyi qəbul ediblər.