Xalq artistinin xəstəxanada qaldığı şərait tənqid olundu – FOTO
Xalq artistinin xəstəxanada qaldığı şərait tənqid olundu – FOTO
Xəbər verdiyimiz kimi, Xalq artisti Ənvər Həsənovun səhhətində ciddi problem yaranıb.
Tacxeber.az xəbər verir ki, aktyor yerləşdirilidiyi Mərdəkanda yerləşən 26 saylı Birləşmiş Şəhər Xəstəxanasında koronavirusa yoluxub.
Ə.Həsənovun xəstəxanadan görüntüsü yayılıb. Fotonu aktrisa Zümrüd Qasımova paylaşaraq onun şəraitsiz yerdə saxlanıldığını vurğulayıb:
“Sənətkarımızı qorumalıyıq. Belə olmaz axı. Ənvər müəllim… Bu nə xəstəxana, nə qulluqdur? Dəhşət”.
Qeyd edək ki, Ə.Həsənov yerləşdirildiyi xəstəxanada koronavirus infeksiyasına yoluxub. Onun qızı Aytən Həsənova iddia edib ki, atasını Covid-19 xəstəsinin olduğu palatanın yanında yerləşdiriblər və virusu da buradan yoluxub.
Heydər Əliyev Fondundan isə bu gün bildirilib ki, aktyorun ailəsi müalicəyə yardım etmək üçün müraciət edib. Fond da, öz növbəsində, ailəyə dəstək göstərir.
