Moruq diyet saxlayan insanların şirniyyata olan tələbatını ödəyəcək qədər şirin, lakin bir o qədər də kalorisi aşağı olan qiymətli giləmeyvələrdən biridir.
Bir ovuc moruq 100 kaloridir. Bol miqdarda C vitamini və lif qaynağıdır.Tərkibində az da olsa kalium var. Ürək və damar sağlamlığı üçün çox faydalı qidalardan biriir. Moruq başdan ayağa şəfa mənbəyidir. Xalq təbabətində yarpaqlarından doğuşu asanlaşdırmaq və menstruasiya sancılarını azaltmaq üçün geniş istifadə edilir.
Moruğun faydaları haqda çox danışılıb, yazılıb. Tacxeber.com moruğun o qədər də bilinməyən və xalq arasında məşhur olmayan tərəflərindən yazacaq.
Moruq təbii aspirin effekti göstərdiyindən qrip, soyuqdəymə zamanı geniş istifadə edilir və dərman qədər effektlidir.
Yüksək miqdarda C vitamini ehtiva etməklə təbii antioksidantdır.
Xərçəng və ürək xəstəliklərinə qarşı qoruyar.
İmmunitet sistemini qüvvətləndirər.
Liflə zəngin olduğundan bağırsaqları işlədir, probiotikləri dəstəkləyici təsiri vardır.
Aşağı kalorilidir, kökəltmir.
Arıqlamaq istəyənlərin şəkərə olan ehtiyacını təmin edər.
Diyetoloqlar arıqlamaq istəyənlərin şirniyyata olan ehtiyacını ödəmək üçün bəslənmə siyahılarına gündə 1 boşqab moruq əlavə etməyin faydalı olduğunu deyirlər.
Qadınlar reql dövründə şiddətli sancılardan əziyyət çəkirlərsə, moruq yarpağı çayı içə bilərlər.
Ancaq hamiləlik dövründə bitki çayları içərkən həkimlə məsləhətləşmək lazımdır.
Moruq yarpağı çayı necə hazırlanır?
1 çay qaşığı ahududu yarpağı
250 ml qaynar su
Moruq yarpaqları bir stəkana tökülür, üzərinə qaynar su əlavə olunur. Ağzı bağlanılaraq 5 dəqiqə dəmlənir. İsti-isti içilir. Gündə 3-4 stəkan içmək sancıların azalmasına kömək edəcək.
