Siqaret çəkənlər bu göyərtini süfrədən əskik etməsin!

Tərə ənənəvi tibbdə tez-tez istifadə edilən bitkidir.

Tərənin faydalı xüsusiyyətlərini təqdim edirik:

* Tərə vitamin və minerallarla zəngindir. Tərkibində çoxlu C vitamini, A vitamini, kalsium və dəmir var. Bunlar immunitet sistemini gücləndirir, sümük sağlamlığını dəstəkləyir və ümumi sağlamlığı yaxşılaşdırır.

* Tərə ağciyər sağlamlığı üçün vacib göyərtidir. Onun faydaları tərkibindəki antioksidantlar və iltihab əleyhinə birləşmələrlə bağlıdır. Bu birləşmələr sərbəst radikallarla mübarizə apararaq ağciyər toxumasını qoruyur və iltihabı azaldır.

* Xüsusilə siqaret çəkənlər və xroniki tənəffüs xəstəlikləri olanlar üçün faydalı hesab edilir.

* Bu göyərtinin tərkibindəki antioksidantlar həm də hüceyrə zədələnməsinin qarşısını alır.

Tərə necə yeyilməlidir?

Onu salatlara, sendviçlərə və smuzilərə çiy halda əlavə etmək olar. Tərəni çay kimi dəmləyib içmək də mümkündür.

Bu göyərtinin faydalarından yararlanmaq istəyənlər ondan müntəzəm olaraq istifadə etməlidirlər.

Tacxeber.com