İsrail Ərdoğanı Səddam Hüseynin taleyi ilə HƏDƏLƏDİ
İsrailin xarici işlər naziri İsrael Katz Türkiyə Prezidenti Rəcəb Tayyib Ərdoğanı 1979-2003-cü illərdə İraqa rəhbərlik etmiş və 2006-cı ildə edam edilən Səddam Hüseynin taleyi ilə üzləşə biləcəyi ilə hədələyib.
Tacxeber.com xəbər verir ki, nazir bunu Türkiyənin İsrailə hərbi müdaxilə ehtimalı ilə bağlı Ərdoğanın son açıqlamalarına cavab olaraq bildirib.
“Ərdoğan Səddam Hüseynin yolu ilə gedir və İsraili hücumla hədələyir. Biz ona bunun necə bitəcəyini xatırladırıq”, – nazir qeyd edib
O, sosial media paylaşımına bir tərəfdə günəş eynəyi və şərf taxmış Ərdoğanın Fələstin və Türkiyə bayraqlarının rənglərini, digər tərəfində isə uzun saqqallı və dağınıq saçlı Səddam Hüseynin 2003-ci ildə amerika hərbçiləri tərəfindən tutulmasından qısa müddət sonra çəkilmiş fotosu ilə hazırlanmış kolajı əlavə edib.
