“Sabah”ın baş məşqçisi Krunoslav Renduliç “Qarabağ” haqqında çox şeyi xorvatlara danışdı
“Mən o vaxt “Zirə” ilə matçlardan əvvəl “Osiyek”i də xəbərdar etmişdim: “Onlarla zarafat etməyin, ciddi komandadır!”.
“Dinamo” onları ciddi qəbul etməlidir, əks halda yaxşı olmayacaq. “Qarabağ”ın ən böyük keyfiyyətləri Avropada oynamaqla bağlı zəngin təcrübələridir. Onlar komandanı dəyişməyiblər, yalnız qapıçıları Andrey Lunyovu Moskva “Dinamo”suna buraxıblar. Əvəzində bizim Buntiçi (qapıçı Fabiyan Buntiç Xorvatiya əsillidir və bu ölkənin aşağı yaş qruplarından ibarət milli komandarında forma geyinib – red.) və polşalı Koçalskini gətirdilər.
Düzdür, mən “Sabah”la onları çempionatda məğlub etmişəm. Bunu necə bacarmışıq? “Qoriça” və ya “Slaven Belupo” “Dinamo”nu necə məğlub edə bilibsə, biz də elə.
“Qarabağ” daxili liqada, ümimiyyətlə öz meydanında dominant komandadır, hətta bunu “Bayer Leverkuzen”lə Avroliqa matçında da nümayiş etdirdilər. Onlar bütün mövqelərdə güclüdürlər, yaxşı əcnəbiləri var və bütün yaxşı azərbaycanlı futbolçular onların heyətində oynayır. Bu komanda hücumda son dərəcə güclüdür, çoxlu istedada malikdir. Daxili liqada qayda belədir ki, ilk “11-lik”də dörd azərbaycanlı oynamalıdır, Avropada isə imkan daxilində öz əcnəbilərindən istifadə edirlər. Braziliyalı Juninyo çox yaxşı hücumçudur və istənilən komandanı sıradan çıxara bilər. Keçən avrokubok mövsümündə Leverkuzen nəhəngini “öldürdü”, hər iki oyununda qol vurdu! “Qarabağ” topa sahib olmaq baxımından yaxşıdır, amma həqiqətən də öldürücü hücum xətti var: Juninyo, əlcəzairli Benzia və fransız Zubir – bu üçlük “cəhənnəm oyunçuları”dır. Topda güclü, gözlənilməz.
“Qarabağ”ın 16 ildir rəhbərlik edən məşqçisi var. Qurban Qurbanovun klubda bütün səlahiyyətləri var, oyunçuları o seçir, heç kim onun işinə qarışmır.
