Amerikalı milyarder və iş adamı İlon Mask qarşıdakı 10 il ərzində milyonlarla insanın “Neuralink” beyin implantlarından istifadə edəcəyini bildirib.
Tacxeber.com xəbər verir ki, o, bu barədə “X” sosial şəbəkə səhifəsində bildirib.
“Hər şey yaxşı olsa, bir neçə il ərzində yüzlərlə insan “Neuralink”ə sahib olacaq, bəlkə də 5 il ərzində on minlərlə, 10 il ərzində milyonlarla insan buna sahib olacaq”, – Mask qeyd edib.
Qeyd edək ki, “Neuralink” startapı 2016-cı ilin iyulunda Mask tərəfindən yaradılıb və insan beyninə implantasiya edilə bilən çiplər hazırlayır. “Neuralink” kompüter və ya smartfonla birbaşa əlaqə yaratmaq üçün insanın beyninə yerləşdirilən çipdir. Milyarder hesab edir ki, bu cür qurğular insana süni intellektə müqavimət göstərə bilən kiborqa çevrilməyə imkan verəcək, həm də insanlara düşüncə gücündən istifadə edərək, kompüteri idarə etməyi öyrənməyə kömək edəcək.
Xatırladaq ki, yanvarın 28-də “Neuralink” ilk dəfə insan beyninə implant yerləşdirib. Avqustun 5-də isə Mask implantın ikinci xəstəyə quraşdırıldığını elan edib. Qurğu iflic olan şəxslərə kompüteri idarə etməyə imkan verir.
