Səudiyyə Ərəbistanında 46 milyon amfetamin həbi ələ keçirilib
Səudiyyə Ərəbistanında 46 milyon amfetamin həbi ələ keçirilib
![](https://tacxeber.com/wp-content/uploads/2022/09/cb9cf7b2-1d44-439a-954f-e349c3f53aee-300x212.jpg)
Rəsmi dövlət agentliyi SPA xəbər verir ki, təhlükəsizlik qüvvələri yükün Ər-Riyad quru limanına çatmasını və anbara daşınmasını izləyib. Daha sonra səlahiyyətlilər anbara basqın edərək altı Suriya və iki Pakistan vətəndaşını saxlayıb.
Narkotiklərə Nəzarət Baş İdarəsi (GDNC) amfetaminin adını açıqlamasa da, Səudiyyə Ərəbistanı Captagon loqosu olan həblərin ən böyük bazarıdır.
Bildirildiyinə görə, Kaptaqon – adətən amfetamin, kofein və müxtəlif köməkçi maddələrin qarışığı – Körfəz ölkələrində varlı gənclər arasında ən populyar narkotiklərdən biridir.
BBC News-a istinadən GDNC sözçüsü bildirib ki, Ər-Riyadda ələ keçirilən 46 milyon 916 min 480 amfetamin həbinin daşınması bir əməliyyatda bu qədər narkotikin Səudiyyə Ərəbistanı Krallığına qaçaqmalçılıq yolu ilə keçirilməsi üzrə ən böyük əməliyyat olub.
GDNC sözçüsü deyib ki, təhlükəsizlik rəsmilərəri ölkəni və onun vətəndaşlarını hədəf alan cinayətkar şəbəkələrin fəaliyyəti ilə mübarizə aparmaq və onların qarşısını almaqda əzmkardır.