“Həyat yoldaşımın ölümündən sonra bank mənə təzyiq edir, hədə-qorxu gəlir, deyir ki..”
“Həyat yoldaşım dünyasını dəyişməzdən 3 ay əvvəl banklardan birindən kredit götürüb. Pensiyaya da 6 ay əvvəl çıxmışdı. Rəhmətlik yoldaşımın sığortası var idi. Bankda ona hətta demişdilər ki, sənə bir şey olsa sığorta ödəyəcək. Mənim əlaqə nömrəmi də hər ehtimala qarşı ondan alıblar. Yoldaşımın ölümündən sonra banka yaxınlaşıb, bunları dedim. İndi bank mənimlə heç cür razılığa gəlmir. Deyir ki, 10 min məbləğin 5 min manatını silirik, yerdə qalan 5 min manatını isə hissə-hissə ödəyin”
Bunu Moderator.az -a açıqlamasında şikayətçi Məmmədova Niyazə deyib. O daha sonra əlavə edib.
“Mən həmin sənədə qol çəkməmişəm, zamin də durmamışam. Hətta bank mənə hədə-qorxu da gəlir. Deyir ki, bu məbləği ödəməsən səni digər güzəştlərdən də məhrum edəcəyik. Savadsız olduğum və məni tək gördükləri üçün üstümə gəlirlər. İki övladımla güc-bəla ilə yaşayıram, mən o pulu haradan ödəyim?” deyə şikayətçi deyib.
Xanım ona bank əməkdaşlarının təzyiq edəcəklərindən ehtiyat etdiyi üçün bankın adını çəkməkdən imtina etdi. Biz isə mövzunu araşdırmaq üçün hüquqşünasla əlaqə saxladıq. Hüquqşünas Nəriman Əliyev bildirib ki, sözügedən mövzu əksər hallarda problemlidir.
