ABŞ-dan olan amerikalı Stüart Robbins 73 yaşı tamam olanda “Ginnesin Rekordlar Kitabı”na düşə bilib. Bunun üçün o, basketbolda sərbəst atışların ustası adlandırıla biləcəyini sübut etməli olub.

Tacxeber.com xarici KİV-ə istinadən xəbər verir ki, Robbins ard-arda 16 kor sərbəst atış vurmağı bacarıb.

Bu kateqoriyada ilk rekordçu olub, çünki ondan əvvəl heç kimin belə bir rekord vurmaq ağlına belə gəlməyib. Təbii ki, buna nail olmaq üçün Stüart çox çalışmalı idi – kişinin gözü bağlı olduğu məşq təxminən 15 min saat çəkib. Bundan sonra, Stüart Robbins öz qabiliyyətlərinə güvənib və nəhayət rekordunu “Ginnesin Rekordlar Kitabı” komissiyasına təqdim etmək qərarına gəlib.

İki basketbol hakiminin iştirakı ilə qarşısına qoyduğu vəzifəni uğurla yerinə yetirib. Münsiflər heyəti Robbinsin gözlərinin həqiqətən heç nə görmədiyinə və sərbəst atış xəttinin halqadan 4572 metr məsafədə olmasına əmin olub. Rekord vurmaq üçün o, hədəfi ardıcıl 10 dəfədən çox vurmalı idi, lakin Stüart hədəfini aşaraq 16 dəqiq zərbə endirib.