Alimlər tüpürcək testi ilə bir il ərzində ölüb-öləməyəcəyinizi proqnozlaşdıra bilərlər.

Tacxeber.com xəbər verir ki, həyatda zəmanət verilən yeganə şey nə vaxt öləcəyimizi bilməkdir. Bəşəriyyət yarandığı gündən bəri müəmmalı olan bu suala cavab tapa bilməyib.

Bununla belə, alimlərin apardığı araşdırmaya görə, yanaq çubuq nümunələrindən DNT-dəki dəyişiklikləri təhlil etmək olar. Ona əsasən ölüm tarixinizi təxmin edə bilərsiniz. Nyu-Yorkda yerləşən “Tally Health” biotexnologiya şirkətinin komandası yanaq hüceyrələrindən bioloji yaşı hesablaya bilən “CheekAge” adlı epigenetik saat hazırlayıb.

Tədqiqatlar insanın həqiqi yaşından çox hüceyrələrinin neçə yaşında olduğunu təhlil edir. Ancaq bioloji yaş stress, yuxu, qidalanma və siqaret kimi amillərdən təsirlənə bilər. Buna görə də hüceyrələrin yaşı insanın həqiqi yaşından daha yaşlı və ya kiçik ola bilər.

Alimlər 1921-1936-cı illər arasında doğulmuş 1513 kişi və qadın üzərində araşdırma aparıblar. Təhlil nəticəsində məlum olub ki, DNT-də baş verən dəyişikliklər ölümlə əhəmiyyətli dərəcədə bağlı olub. Ən yaşlı bioloji yaşı olan iştirakçıların ən gənc bioloji yaşı olanlara nisbətən həmin il ölmək ehtimalı 148 faiz çox idi.

Üsul ölən insanlar üzərində sınaqdan keçirilib. Tədqiqatçılar gələcəkdə canlı insanlar üzərində sınaqlar keçirməyi hədəfləyirlər. Bu yolla insanın nə vaxt öləcəyini təxmin etmək olar.

“Bath” Universitetinin Epigenetika professoru Adel Murrell deyir ki, “CheekAge” saatının insanın öləcəyi günü və hətta ili proqnozlaşdıra biləcəyinə dair heç bir sübut yoxdur. London Kral Kollecinin Kök Hüceyrə Elmləri Professoru Dusko İliç “Bu cür konkret proqnozlar yerinə, ehtimala əsaslanan risk qiymətləndirmələri edilə bilər” deyə vurğulayıb. O, araşdırmanın dəqiq bir proqnoz verə bilməyəcəyini söyləyib.

Tacxeber.com