Əhaliyə xəbərdarlıq! – Axşam saat 22:00-dan başlayır, ehtiyyatlı olun.
Bu gün Yer kürəsini güclü maqnit qasırğası bürüyəcək.
Tacxeber.com xəbər verir ki, bu barədə Phobos hava mərkəzinin aparıcı mütəxəssisi Mixail Leus öz teleqram kanalında bildirib.
Məlumatda qeyd olunub ki, maqnit qasırğa oktyabrın 5-i axşam başa çatacaq.
Sinoptik onu da bildirib ki, qasırğanın yerə təsiri Bakı vaxtı ilə saat 22:00-dan sonra başlayacaq, lakin bu zaman maqnit qasırğasının gücü zəif (G1) olacaq. Daha sonra, onun intensivliyi artacaq və cümə günü səhər saat 7-dən sonra maqnit qasırğası güclənərək (G3) sinifinə çatacaq.
Xatırladaq ki, maqnit qasırğalarının insanlara təsiri müxtəlif ola bilər. Bəzi insanlar bu cür hadisələr zamanı xroniki xəstəliklərin pisləşməsi ilə üzləşirlər və baş ağrıları, yorğunluq, əsəbilik və konsentrasiyanın azalması ilə qarşılaşa bilərlər.
