Xamenei: “HƏMAS yaşayır və yaşayacaq”
İranın ali dini lideri Seyid Əli Xamenei Yəhya Sinvarın ölümünə baxmayaraq, HƏMAS-ın mövcud olmağa davam edəcəyini bildirib.
Tacxeber.com xarici mətbuata istinadla xəbər verir ki, Xamneyi fikirlərini belə ifadə edib:
“HƏMAS müqavimət cəbhəsinin görkəmli şəxsiyyətlərinin ölümünə baxmayaraq, dayanmadı və Sinvarın şəhadəti ilə bir an belə dayanmayacaq. HƏMAS hərəkatı yaşayır və yaşayacaq”.
İranın ali rəhbəri ötən il oktyabrın 7-də israillilərin qətliamını da “İsrailin üzünə sillə” adlandırıb:
“Yəhya Sinvar müqavimətin və cihadın təcəssümü idi. Polad iradəsi ilə zalım və işğalçı düşmənə sinə gərmiş, müdrik qərarı və cəsarəti sayəsində onun üzünə sillə vuraraq 7 oktyabrın sağalmaz zərbəsini region tarixində əbədiləşdirərdi. O, şərəf və ləyaqətlə şəhid olub əbədi dünyaya köçdü.
Bütün həyatını işğalçı və zalımla mübarizəyə həsr etmiş Yəhya Sinvar kimi birisi yalnız bir taleyə – şəhadətə layiqdir. Onun itkisi əlbəttə ki, müqavimət cəbhəsi üçün ağırdır, lakin bu cəbhə Uca Allahın izni ilə Şeyx Əhməd Yasin, Fəthi Şəkaqi, ər-Rantisi və İsmayıl Haniyə kimi böyük şəxsiyyətlərin şəhadəti ilə bitmədi və Sinvarın şəhadəti ilə də bir müddət dayanmayacaq.
HƏMAS hərəkatı yaşayır və yaşayacaq.
