Amerikalı milyarder İlon Mask 2022-ci ilin sonundan etibarən Rusiya prezidenti Vladimir Putinlə sıx əlaqə saxlayır.

Tacxeber.com xəbər verir ki, bu barədə “The Wall Street Journal” yazır.

Nəşrin araşdırmasına görə, biznesmenlə Putin arasında əlaqələr ABŞ, Avropa və Rusiyadan olan bir neçə rəsmi tərəfindən təsdiqlənib.

Nəşr yazıb ki, Maskla Putin görüşlərində Rusiya ilə Qərb arasında artan gərginlik fonunda yaranan biznes, şəxsi mövzular və geosiyasi məsələlər haqqında danışırlar.

Maskın Rusiya rəsmiləri, o cümlədən Putinin özü arasında belə təmaslar Amerika rəsmilərinin narahatlığına səbəb olur, çünki Maskın ABŞ hökuməti, o cümlədən Pentaqon və NASA ilə əsas razılaşmaları var və xüsusilə SpaceX kosmik şirkəti vasitəsilə həssas məlumatlara çıxış əldə edir.

Tacxeber.com