Ukraynanın ən böyük şirkətini azərbaycanlı aldı – Milyardlarla pul verdi
Ukraynanın ən böyük titan mədənçisi və zənginləşdiricisi olan “Ukrayna Birləşmiş Mədən və Kimya Şirkəti” (UMCC) özəl şirkətə satılıb.
Tacxeber.com xarici KİV-ə istinadla bildirir ki, hərrac nəticəsində azərbaycanlı iş adamı Nəsib Həsənov şirkətin yeni sahibi olub və o, aktivlər üçün təxminən 4 milyard qrivna təklif edib ki, bu da 97 milyon dollara bərabərdir. Bu barədə Ukraynanın Baş naziri Denis Şmıqal məlumat verib.
O təsdiqləyib ki, Həsənova məxsus “Tsemin Ukrayna” şirkəti UMCC-nın özəlləşdirilməsi üzrə hərracın yeganə iştirakçısı olub. Şirkətə müvafiq olaraq Dnepropetrovsk və Jitomir vilayətlərində yerləşən “Volnoqorsk” mədən-metallurgiya zavodu, həmçinin “İrşanski” mədən və emalı zavodu daxildir.
“Hökumət UMCC-dəki dövlət payını satmaq qərarına gəlib. Hərracın qalibi təxminən 4 milyard qrivna təklif edib”, – baş nazir öz Telegram kanalında yazıb.
