“Öcalan təklifi”nə Ərdoğandan – Sensasion reaksiya
Türkiyə Prezidenti Rəcəb Tayyib Ərdoğan MHP lideri Dövlət Baxçalının PKK terror təşkilatının həbsdəki lideri Abdullah Öcalanın parlamentə gələrək PKK-nın buraxılmasını elan etməsinə dair təklifinə münasibət bildirib.
Tacxeber.com APA-ya istinadla xəbər verir ki, partiyasının iclasında çıxış edən Türkiyə dövlət başçısı Dövlət Bağçalının təklifini dəstəkləyib, bunu “tarixi fürsət” kimi dəyərləndirib.
“Dövlət bəy cəsarətli çıxışları ilə daima tarixə istiqamət verən bir liderdir”, – Ərdoğan qeyd edib.
Türkiyə Prezidentinin sözlərinə görə, Cümhuriyyət hər hansı bir şəxsin, zümrənin, kütlənin, məzhəbin, etnik qrupun cümhuriyyəti deyil: “Bu cümhuriyyət türkün də, əlbəttə ki, kürdün də cümhuriyyətidir”.
