Seçki saxtakarlığı: Rövşən İsgəndərov və Əkbər İsgəndərov həbs olundular
Bu gün Gürcüstanda Marneuli şəhər məhkəməsi yerli şəhər məclisinin sədr müavini Rövşən İsgəndərov və Əkbər İsgəndərovun həbsi barədə qərar qəbul edib.
Tacxeber.com xəbər verir ki, onlar bir neçə bülleteni qutuya atdıqlarına görə həbs ediliblər.
Xatırladaq ki, bülletenlərin topa halında atılması Gürcüstan telekanallarının kamerasına düşüb.
Həmin faktdan sonra ərazidəki 69 saylı seçki məntəqəsində səsvermə prosesi dayandırılıb və səsvermənin nəticələri ləğv edilib.
Təqsirləndirilən şəxslərin müdafiəsinin nümayəndələri jurnalistlərə bildiriblər ki, məhkəmənin qərarından apellyasiya şikayəti veriləcək, çünki söhbət saxtakarlıqdan yox, prosessual pozuntulardan gedir.
